КОР - эрзянь келень ды культурань эрямонь фонд

(фонд развития эрзянского языка и культуры)

 

Шумбрачи, вечкевикс эрзят ды минек раськень ялгат. Студентэкс улемстэ (нейгак) яла арсилинь: мекс арасть минек ютксо истят ломанть, конат лездавольть од ломантненень седе пек кирвазтемс ойметолонть, превень кепедемаст, мелень касомаст? Ламо проектэнь теемстэ  арасель костояк мелень кирдема. Паряк мон а содылинь эйстэдест, а содылинь ков пшкалемс? Те арсеманть толтнэнь-ведтнень пачк ютамось чачсь бажамо: тема истямо превтарка, конась лезды эрзянь келенть, культурань ды весе сюпавчинть касомантень. 2017 иень кизэстэ ушодынек кортамо теде. Кевкстематнеде ламольть: кода лемдемс, аравтомс важодеманть ды  кемевтемс ломантнень? Шкась ютась: арсемась потась удалов ды малав ёмамо лангсоль. Малав пель иень ютазь валске марто важодемав ардомсто лоткинь светофорс. Икелень машинанть ульнесть номерэнзэ «КОР» тешкстнэнь марто. Сеске мезе вием вачкодинь руленть ланга ды серьгединь: КОР ! Кель! Ойме! Раське! Теке суомитнень sisu! Кие а соды, «кор» - характер, нрав, чувство обственного достоинства. Саемс, покордавомс (обидеться). Венченть лемдемадо мейле эрявсь пурнамс истят кемевикст (авторитетной) ломанть. Сынст вешнемс эзь саво, весе сынь ялган ды содавикст шкинемасо, тонавтомасо, морамосо, паро тевсэ!  2018 иень 18-це якшамковсто (18.01.2018) «Сяткосо» пурнавсть од ломанть. Арсеманть коряс бажинек теемс истямо куро, конась лездаволь паро тевтненень ды ломантненень. Лиякс меремс, эрзянь келенть ды культуранть касомантень. Пурнавкшнынек котонек:

 

Учеваткин Александр – тонавтыця, келень содый, наукань кандидат; Данильчев Александр - тонавтыця, келень содый, наукань кандидат; Бочканов Андрей – содавикс морыця; Рябова (Ломшина) Людмила – сёрмадыця; Подгорнова Алина - сёрмадыця, куляломань; Мокшанова Татьяна - валморонь сёрмадыця, куляломань.

 

Кортнинек, аравтынек лувонок ды ушодынек важодеме, пурнамо превень вийть.Важодеманок тусь мельс ламо паро ломантненень, конат совасть юткозонок:

Алёшин Павел – артыця  (Нижний Новгород); Баргова Тамара – сёрмадыця (Саранск); Богданов Константин – раськень тевень ветиця (Тольятти); Богданова Ольга – келень содый, наукань кандидат (Тольятти)

Гагарин Вячеслав – керсиця (Вирь Тавла, Мордовия); Еремеев Алексей – раськень вечкиця (Тольятти); Ерюшов Борис – сёрмадыця, раськень тевень ветиця (Мурманск); Кавтаев Денис – программист (Воронеж); Кувакин Иван -   куляломань (Казахстан); Кузоваткина Ольга – раськень тевень ветиця (Саранск); Маколов Александр – раськень вечкиця (Саранск); Маторкина Татьяна – куляломань, раськень тевень ветиця (Саранск); Мигачёв Андрей  - раськень вечкиця (Саратов); Ромашкин Андрей – морыця, раськень тевень ветиця (Саранск); Рябов Пётр – керсиця, раськень тевень ветиця (Вирь Тавла, Мордовия); Святкина Татьяна – раськень тевень ветиця (Санкт-Петербург); Слугина Марина – тонавтыця, сёрмадей (Саранск); Таганов Дмитрий– сёрмадыця, врач (Бугуруслан).

 

Кавто иень перть превсэ-ярмаксо лездынек паро тевтненень

2018 ие:

 1.«Эрий кель» эрзянь келень коряс интернет-пелькстамонтень лездамо: казнеть тонавтницятненень ды тонавтыцятненень (ярмакт, чувтосто, керсевкст).

 2.Ульнесть сёрмадстозь эрзянь журналт школасо тонавтницятнень лемс, конат путыть мель тиринь литературантень.

   «Сятко»:- Костин Никита (Орданьбуень Орозбие); - Семейкин Дима (Орданьбуень Орозбие);  -Стволкова Алина (Дубёнкань Кочкурвеле); - Гущина Юля (Отяжбуень Ламбаське); - Косолапова Даша (Отяжбуень Кулязбуе).

 «Чилисема»: Лукина Маша (Орданбуень Орозбие); Косолапова Даша (Отяжбуень Отяжеле); Гущина Юля (Отяжбуень Ламбаське); Костин Никита (Орданбуень Орозбие); Семейкин Дима (Орданбуень Орозбие).

3.«Вал»  куронь од ломантне тейнесть Покш Березник буень Парынза велесэ морамонь-шкинемань чокшне.  Лездынек ардомасо.

 

2019 ие

1. «Эрий кель» эрзянь келень коряс интернет-пелькстамонтень лездамо: казнеть тонавтницятненень ды тонавтыцятненень (ярмакт, чувтосто, керсевкст).

2. Теезель Викивастовома.

 Кортамонтень сакшность од эрзянь ломантне зярыя Россиянь регионсто: Татьяна Мокшанова (Саранск), Андрей Петров (Москов), Александр Учеваткин (Саранск), Андрей Бочканов (Саранск), Николай Учеваткин (Саранск), Владислав Антонов (Саранск), Денис Кафтаев (Воронеж), Александр Данильчев (Саранск). Седе домкасто ловнодо тесэ:

https://ru.wikinews.org/wiki/Вики-вастовома_«Эрзянь_келесь_течи_ды_ванды:_мезекс_эрявить_цифрань_технологиятне_4.0_шкастонть»_ютась_Саранскойсэ

3. Явозель ярмаконь лездамо «Торамось терди» кезэрень эрзянь моронь фестивалень ютавтомас.

4. Теезель «Сятконь» ды «Чилисема» кулялопатне лангс сёрмадстома эрзянь эйкакштнэнь туртов;

 

2020 ие

1. «Эрий кель» интернет-пелькстамонтень лездамо: ярмаконь казнеть тонавтницятненень ды тонавтыцятненень.

2. Теезель ярмаконь лездамо «Валдо тол» эрзянь кельсэ нурькине фильмантень

3. Теезель сайт: korfond.com

Теде башка ульнесть лездамот, конатнесэ теить састо ды а евтнить лиятненень.

Бути кинень вечкевить минек тевтне – совседе, ловнодо, кирдеде мель, лездадо!

Бути кинь ули паро арсемазо, паряк, нолдамс книга, снимамс ваномат ды фильмат, теемс моро – сермадодо миненек. Карми виенек – лездатано! kor.fond@mail.ru

 

Учеваткин Александр

келень вечкиця,

«КОР» фондонь прявт                                                                                 

 

16.04.2020 

 ЭРЗЯНЬ КЕЛЕНЬ ЧИ МАРТО, ЯЛГАТ!

 

Артыця - художник

Келень содый - филолог

Керсиця - резчик

Куляломань – журналист

Раськень вечкиця – патриот

Раськень тевень ветиця – общественный деятель

Сёрмадыця – писатель

                    

 

 

kor.fond@mail.ru

gallery/undraw_character_drawing_ii11